નિકોલ વિસ્તારના ખોડિયાર જ્યોત સોસાયટી નજીક મોબાઈલ મેકઅપ નામની દુકાનમાં જાણભેદુ વ્યક્તિઓએ આગ ચાંપી!

આજથી છ મહિના પહેલા ઉધારીમાં સામાન લેવા બાબતે થઈને 4 લોકોએ દુકાનમાં મારામારી કરી હતી. આ ઘટના બાદ બંને પક્ષે પોલીસ ફરિયાદ નોંધાવી હતી. 

જૂની અદાવતને ધ્યાનમાં રાખીને આજે 11 ડિસેમ્બરના રોજ વહેલી સવારે 4 લોકોનું ટોળું દુકાન બહાર આવ્યું હતું અને બંધ દુકાનમાં પેટ્રોલ છાંટી આગ ચાંપવાનો પ્રયાસ કર્યો હતો. દુકાનના શટરની અંદર કાચનો દરવાજો હોવાથી સદનસીબે કોઈ માલહાની થઈ નથી. 

આ અંગે દુકાનદારને જાણ થતાં તેણે નિકોલ પોલીસ સ્ટેશનમાં એક વ્યક્તિના નામ સાથે 3 બીજી અજાણી વ્યક્તિ વિરુદ્ધ ફરિયાદ નોંધાવી છે.