અમદાવાદ મેટ્રોમાં રોજ મુસાફરી કરતાં લોકો માટે સારા સમાચાર! કેમ કે હવે મેટ્રોમાં મુસાફરી કરવી બનશે સાવ સરળ!

કઈ રીતે ?

હવે ટિકિટ લેવા માટે મેટ્રો સ્ટેશન પહોંચીને લાઇનમાં ઊભા રહેવું નહીં પડે. GMRC દ્વારા શરૂ કરાઈ અમદાવાદ મેટ્રો (ઓફિશિયલ) એપ.

આ એપ્લિકેશનથી હવે મુસાફરી કરવા વાળા તમામ લોકો જાતે જ મોબાઇલમાં એપના માધ્યમથી ટિકિટ બૂક કરી શકશે.

ચાલો જાણીએ કેવી રીતે ?

સ્ટેપ 1 : સૌ પ્રથમ મોબાઈલમાં Ahmedabad Metro (Official) નામની એપ્લિકેશન ડાઉનલોડ કરવી.

સ્ટેપ 2 : મોબાઈલ નંબર એન્ટર કરી સાઇન ઇન કરવું. સાઇન ઇન કરતાં જ book ટિકિટ / view ટિકિટ / fare inquiry / સહિતના ઓપ્શન વાળું ડેશબોર્ડ ઓપન થશે.

સ્ટેપ 3 : book ટિકિટનું ઓપ્શન સિલેકટ કરવું. તમે ક્યાં સ્ટેશને છો અને ક્યાં જવાનું છે તે વિષયક માહિતી ઉમેરવી.

સ્ટેપ 4 : એક કે એક કરતાં વધાર ટિકિટ લેવી છે તે સિલેક્ટ કરી કન્ફર્મ કરવું. ( એક સાથે 9 ટિકિટ સુધી લઈ શકાશે)

સ્ટેપ 5 : પેમેન્ટ કરવું ( UPI તેમજ ડેબિટ/ક્રેડિટ કાર્ડથી પેમેન્ટ કરી શકાશે ).

પેમેન્ટ થઈ જતાં જ ડેશબોર્ડ પર ટિકિટ શો થશે. જે scan કરીને સ્ટેશન પ્લેટફોર્મ સુધી જઈ શકાશે. અને મેટ્રોમાં સરળતાથી લાઇનમાં ઊભા રહેવાનો સમય બચાવી શકાશે.

આ એપ્લિકેશનમાં રહેલી બીજી સુવિધાઓ :

-ભૂતકાળમાં કરેલી ટ્રીપ્સ(એક્ટિવ ટ્રીપ્સ/પાસ્ટ ટ્રીપ્સ) જોઈ શકાશે. 
-fare inquiry બંને સ્ટેશનોના નામ ઉમેરી એપ્લિકેશનમાં જ ભાડું જોઈ શકાશે. 
-મેટ્રોનો ટાઈમ ટેબલ જોઈ શકાશે. 
-સ્ટેશન લિસ્ટ જોઈ શકાશે. 
-મેટ્રોમેપ જોઈ શકાશે.

આ એપ્લિકેશનથી મુસાફરી કરતાં વિધાર્થીઓ તેમજ અપડાઉન કરતાં લોકોને ઘણો ફાયદો થશે. 
આ એપની મદદથી છૂટા પૈસાની માથાકૂટ, કેશ રાખવા જેવી બાબતોથી છુટકારો મળશે. 
આ સાથે સાથે ટિકિટમાં વપરાતા કાગળનો પણ બચાવ થશે.

એન્ડ્રોઇડ મોબાઈલ વાપરતા લોકો ગૂગલ પ્લે સ્ટોર પરથી આ લિન્કના માધ્યમથી એપ્લિકેશન ડાઉનલોડ કરી શકાશે.

https://play.google.com/store/apps/details?id=com.gujaratmetrorail.gmrcamddigitalticketing