ગુજરાત સરકારે મહાકુંભ માટે ગુજરાતીઓને કરી આપી સુવિધા

ગુજરાતી શ્રદ્ધાળુઓ માટે મહાકુંભની યાત્રા સરળ બનાવવા GSRTC દ્વારા દરરોજ ગુજરાતથી પ્રયાગરાજ AC વોલ્વો બસનું સંચાલન કરવામાં આવશે.

આગામી 27મી જાન્યુઆરી સોમવારથી આ AC વોલ્વો બસ સેવા શરૂ કરવામાં આવશે. પ્રથમ દિવસે રાજ્યના મુખ્યમંત્રી ભૂપેન્દ્ર પટેલ ગાંધીનગર સર્કીટ હાઉસ ખાતેથી યાત્રાને પ્રસ્થાન કરાવશે.

ત્યારબાદ દરરોજ સવારે 7 વાગ્યે રાણીપ એસ.ટી ડેપો, અમદાવાદ ખાતેથી દરરોજ એસી વોલ્વો બસ પ્રયાગરાજ જવા નિકળશે.

• 3 રાત્રિ/4 દિવસનું પેકેજ ₹8,100/ પ્રતિ વ્યક્તિ, આ પેકેજમાં તમામ 3 રાત્રિ માટે રોકાણ અને બસ મુસાફરીનો સમાવેશ કરવામાં આવ્યો છે.

પ્રયાગરાજ ખાતે રાત્રિ રોકાણ ગુજરાત પેવેલિયનની ડોરમેટરી ખાતે કરવામાં આવ્યું છે.

આ તમામ દિવસોમાં જમવાની સગવડતા યાત્રીઓએ પોતાના સ્વખર્ચે કરવાની રહેશે (GSRTC દ્વારા જમવાનું આપવામાં નહી આવે)

પ્રયાગરાજ પેકેજનું ઓનલાઇન બુકિંગ તારીખ 25/01/2025થી એસ.ટી નિગમની વેબસાઇટ www.gsrtc.in મારફતે કરી શકાશે.