અમદાવાદના એલિસબ્રિજ વિસ્તારમાં સ્થિત એમ.જે લાયબ્રેરીનું ખાસ બજેટ તૈયાર.

બજેટ ખાસ એટલા માટે છે કેમ કે સ્પર્ધાત્મક પરીક્ષાની તૈયારી કરતાં વિધાર્થીઓને ધ્યાનમાં રાખી આ બજેટનો ઢાંચો તૈયાર કરવામાં આવ્યો છે.

અમદાવાદ મ્યુનિસિપલ કોર્પોરેશન હેઠળ ચાલતી એમ.જે લાઈબ્રેરીના ગ્રંથપાલ દ્વારા વર્ષ 2025-2026 માટે ₹20 કરોડનું ડ્રાફ્ટ બજેટ રજૂ કરવામાં આવ્યું છે.

બજેટમાં સ્પર્ધાત્મક પરીક્ષાની તૈયારી કરતાં વિધાર્થીઓ માટે તમામ મોડ્યુલ ઉપલબ્ધ કરી શકાય તે માટે ₹20 લાખ, વાંચનના કાર્યક્રમો માટે ₹3 લાખ, સાંસ્કૃતિક પ્રવૃતિ માટે ₹75 લાખની ફાળવણી કરાઈ છે.

લાયબ્રેરીને વિધાર્થી સાનુકૂળ બનાવવા ₹60 લાખ તથા તેને અપગ્રેડ કરવા ₹10 લાખની ફાળવણી કરાઈ છે.

દિવ્યાંગ વિધાર્થીઓના સાંસ્કૃતિક કાર્યક્રમો માટે ₹2 લાખની ફાળવણી થઈ છે.

વિવિધ પ્રકારના પુસ્તકો અને ડેટાબેઝ તથા સભાસદોના ડેટા માટે ₹30 લાખ ફાળવાયા છે.

ઉપરાંત ટેકનોલોજીના તાલ-મેલ માટે ઇ-રિસોર્સની સુવિધા ઉપલબ્ધ કરવા માટે ₹5 લાખ તથા ગાંધી સાહિત્યને એઆઈ બેઝ ટેકનોલોજીથી જોડવા અને તેને જીવંત સ્વરૂપમાં પ્રસ્તુત કરવા માટે ₹20 લાખનું બજેટ તૈયાર કરાયું છે.

આ ઉપરાંત દુર્લભ પુસ્તકોના ડિજીટ્લાઇઝેશન માટે ₹13 લાખ અને માહિતીની વિઝ્યુઅલ પ્રસ્તુતિ(ડોક્યુમેન્ટ્રી) બનાવવા ₹5 લાખની જોગવાઈ કરવામાં આવી છે.  

આ બજેટથી અને તેના બાદ મળનાર સુવિધાથી સ્પર્ધાત્મક પરીક્ષાની તૈયારી કરતાં વિધાર્થીઓને ઘણો ફાયદો થશે. અને વાંચન માટે અહિં આવનાર વિધાર્થીઓની સંખ્યામાં સંભવત વધારો થશે.