આઇકોનીક રોડની મથામણમાં ઇન્દિરા સર્કલ પર મૂકેલા ઘોડાના સ્કલ્પચરને ખસેડવા અને બીજે મૂકવા ₹30 લાખનો ધુમાડો થશે. 

થોડા સમય પહેલાજ ગુજરાતમાં યુ-20 અને જી-20 સમ્મિટ યોજાઇ હતી. જ્યાં વિદેશી મહેમાનોને રાજી કરવા શહેરમાં 9 જેટલા વેસ્ટમાંથી બેસ્ટ બનાવેલ સ્કલ્પચર મુકાયા હતા. 

જુલાઇ 2023માં આમાંથી ઇન્દિરા સર્કલ પર એક ઘોડાનું સ્કલ્પચર મુકાયું હતું. જેની લંબાઈ 24 મીટર, પહોળાઈ 6 મીટર અને 15 ટનનું વજન છે.

હાલમાં જ એરપોર્ટથી ઇન્દિરા બ્રિજ સુધીના રોડને આઇકોનીક રોડ તરીકે ડેવલપ કરવાનું ટેન્ડર પાસ થયું છે. જ્યાં ઇન્દિરા સર્કલ પર મુકેલ આ ઘોડો નડતર રૂપ બનશે. તેવા કારણથી 4 કિમીના અંતર પર આવેલા નરોડાના ટોયેટા સર્કલ પર મૂકવામાં આવશે. જેની પાછળ મ્યુનિ. ₹30 લાખનો ખર્ચ કરશે. પ્રજા પાસેથી ટેક્સ સ્વરૂપે વસુલેલા પૈસાનો આ રીતે ઉપયોગ થશે.