અમદાવાદના ગોતા ખાતે તારીખ 29 નવેમ્બરથી 1 ડિસેમ્બર સુધી દિવ્યાંગ કારીગરો અને વેપારીઓ માટે શોપિંગ મેળો યોજાયો હતો. જેમાં કુલ 27 જેટલા સ્ટોલ લગાવાયા હતા. 

મેટ્રોબીટ ફાઉન્ડેશને હાર્ટ ફાઉન્ડેશનની મદદથી આ એક્ઝિબિશનનું આયોજન થયું હતું. 3 દિવસ માટે આયોજિત આ ફેસ્ટમાં દિવ્યાંગ સ્ટોલ ધારકોને ₹7 લાખ સુધીની આવક થઈ હતી.  

આ એક્ઝિબિશનનો હેતુ દિવ્યાંગ લોકોને આત્મનિર્ભર બનાવવાનો હતો, ગત જાન્યુઆરીમાં જ્યારે આ એક્ઝિબિશન યોજાયું હતું ત્યારે દિવ્યાંગ સ્ટોલ ધારકોને ₹24 લાખ સુધીની આવક થઈ હતી. 

આ સ્ટોલ તે લોકોને તદ્દન મફતમાં આપવામાં આવે છે, જ્યાં તે લોકો તેમના ગૃહ ઉદ્યોગ, હેન્ડીક્રાફ્ટ, કપડાં, ઑર્નામેન્ટ, વેસ્ટમાંથી બેસ્ટ જેવી પ્રોડક્ટ્સ અહિં વહેચી શકે. આ શોપિંગ મેળો ગોતાના ફૂડ કોર્ટ બોક્સ પાર્ક ખાતે યોજાયો હતો.

આ સિવાય આ સંસ્થા દ્વારા પહેલા પણ બે વાર આ એક્ઝિબિશન યોજેલ હતું, જેમાં કાશ્મીર, હરિયાણા, રાંચી, રાજસ્થાન, મહારાષ્ટ્ર વગેરે રાજ્યોના દિવ્યાંગોએ ભાગ લીધો હતો. આગામી થોડા સમયમાં વડોદરા તથા સુરતમાં પણ આ એક્ઝિબિશન યોજવામાં આવશે.