અમદાવાદ મ્યુનિસિપલ કોર્પોરેશનની મુખ્ય બિલ્ડિંગની સામે આવેલા રહેણાંક બિલ્ડિંગ સામે કાર્યવાહી! બોગસ NOC દ્વારા બનાવાય હતા બિલ્ડિંગના છ માંથી બે માળ. 

શહેરના દાણાપીઠ વિસ્તારમાં આવેલા રેસિડેન્શિયલ બિલ્ડિંગ સલમાન એવેન્યુ પર મ્યુનિ.ની કાર્યવાહી. 

2018માં આ બિલ્ડિંગની રજા ચિઠ્ઠી રદ કરીને આ રેસિડેન્શિયલનો પ્લાન નામંજૂર કરાયો હતો. જ્યાં મે-જૂન 2024માં મધ્ય ઝોનના એસ્ટેટ વિભાગ દ્વારા આ બંને માળને સીલ કરવામાં આવ્યા હતા. જે બાદ 13 ડિસેમ્બરે તેને તોડવાની કામગીરી હાથધરાઈ. 

પરંતુ સ્થાનિક ધારાસભ્ય તથા કોર્પોરેટેરો દ્વારા આ કામગીરીનો વિરોધ કરવામાં આવ્યો હતો. જે કારણથી હાઇકોર્ટે રોક લગાવી હતી. 

પણ આજે કોર્ટનો નિર્દેશ તંત્રના ફેવરમાં આવતા આ બંને માળ તોડવાનું કામ ફરી ચાલુ થયું છે. જે આગામી બે દિવસમાં પૂરું થઈ જશે.