અસારવા સિવિલ હોસ્પિટલની અમુક જૂની અને જર્જરિત થયેલી બિલ્ડિંગનું નવીનીકરણ કરાશે. 

શહેરના અસારવા વિસ્તારમાં આવેલી સિવિલ હોસ્પિટલની જૂની થઈ ગયેલી બિલ્ડિંગનું ₹840 કરોડના ખર્ચે આગામી સમયમાં રી-ડેવલપમેન્ટ કરાશે.

આ રી-ડેવેલપમેન્ટ પ્રોજેક્ટની અંદર 1800 બેડની હોસ્પિટલ, 1200 વિધાર્થીઓ માટે હોસ્ટેલ, હોસ્પિટલના હયાત ગેટ સિવાયના નવા 2 ગેટ અને મલ્ટિ લેવલ પાર્કિંગ બનાવાશે.

રાજ્યના આરોગ્ય મંત્રી ઋષિકેશ પટેલ દ્વારા સિવિલ હોસ્પિટલમાં થતી કામગીરીની સમીક્ષા કરાઇ હતી.

આ સાથે સિવિલ હોસ્પિટલમાં પ્રવેશ કરતી વખતે અહિં આવતા દર્દી અને દર્દીના સગાઓને કેમ્પસ સિમલેસ મોબિલિટી તથા હોર્ડિંગ્સના આધારે માહિતી મળી રહે તેવી સુવિધા ઊભી કરવાનું આયોજન છે.

₹840 કરોડના ખર્ચે બનનાર આ નવીન સુવિધાઓમા મલ્ટિલેવલનું એલ આકારનું પાર્કિંગ, નક્કી કરેલ બિલ્ડિંગમાં બેઝમેન્ટ પાર્કિંગ પણ બનાવાશે.

સાથે સાથે મેડિકલ પી.જીની સીટ વધારાને ધ્યાનમાં રાખી વિધાર્થીઓ માટે હોસ્ટેલની વ્યવસ્થા કરાવાશે.