ગઈકાલે 31 ડિસેમ્બર વર્ષની છેલ્લી રાત્રે નવા વર્ષને આવકારવા માટે લોકો સી.જી રોડ, સિંધુભવન રોડ અને એસ.જી હાઇવે પર ઉમટ્યા હતા. આવામાં પ્રિ-પ્લાનિંગ સાથે અમદાવાદ પોલિસે રાત્રે સઘન ચેકિંગ હાથ ધર્યુ હતું.

આ દરમિયાન પોલીસ દ્વારા વિવિધ લોકો સામે ગુન્હા દાખલ કરાયા હતા.

•જેમાં દારુ પીને નીકળેલા 200થી વધુ લોકો પકડાયા
•220થી વધુ ડ્રિંક એન્ડ ડ્રાઈવના કેસ નોંધાયા
•સિંધુભવન વિસ્તારમાંથી ડ્રગની આપલે કરનારો પણ ઝડપાયો

સિંધુભવન ટાઈમ સ્ક્વેર પાસે પોલિસે MD ડ્રગ્સ સાથે એકને ઝડપી પાડ્યો. આરોપીનું નામ જયદીપ પરમાર તરીકે ખાતરી થઈ છે. 
સિંધુભવન રોડ પર ઝોન 7ની ટીમની કામગીરીની કમિશનરે તારીફ કરી હતી. જેમની મદદથી શહેરમાં ફરતું મેફેડ્રોન ડ્રગ્સ પકડી પાડ્યુ.

મળતી માહિતી મુજબ ગઈકાલે 8 હજારથી વધુ પોલીસ અધિકારીઓ અને પોલીસ કર્મીઓ ખડેપગે હતા. જેના પરિણામ સ્વરૂપ શહેરમાં કોઈ મોટી દુર્ઘટના બની નથી.