ગુજરાત સરકાર માટે કામ કરતાં અને 1 એપ્રિલ 2005 પહેલા નિમણૂક પામેલા સરકારી કર્મચારીઓનો જૂની પેન્શન યોજનામાં સમાવેશ. 

દિવાળી પહેલા મળેલી કેબિનેટ બેઠકમાં લેવાયો હતો આ નિર્ણય જેના પર નાણા વિભાગે હવે લગાવી મોહર. 
આ ઠરાવ મુજબ 1 એપ્રિલ 2005 પહેલા નિમણૂક પામેલા 60,245 કર્મચારીઓને મળશે લાભ. 
આ નિર્ણયથી રાજ્ય સરકારની તિજોરી પર ₹200 કારોડ જેટલું ભારણ આવશે. 

છેલ્લા ઘણા વર્ષોથી ફિક્સ-પે વાળા કર્મચારી ઘણી વાર આ બાબતે આંદોલન કરી ચૂક્યા છે, કારણકે તેઓની ભરતી બાદ નવી પેન્શન સ્કીમ લાગુ કરાઈ હતી. જેથી આ બાબતે તેઓએ અદાલતમાં અરજી પણ કરી હતી અંતે કોર્ટનો ચુકાદો તેમની તરફેણમાં આવતા રાજ્ય સરકારે આ નિર્ણય લીધો; પરિણામે હવે તે લોકોનો આ OPS સ્કીમમાં સમાવેશ કરાશે.