ફ્રી સારવારના નામે દર્દીને મળ્યું મોત.
Updated on 12-11-2024 14:10
અમદાવાદની ખ્યાતિ હોસ્પિટલ હાલ કૌભાંડની શંકાના દાયરામાં.
અમદાવાદના એસ.જી હાઇવે પર રાજપથ ક્લબની સામે આવેલી ખ્યાતિ મલ્ટિ સ્પેશિયાલિટી હોસ્પિટલ હાલ ચર્ચામાં.
હોસ્પિટલ દ્વારા કડી તાલુકાના બોરીસણા ગામમાં 10/11/2024 રવિવારના રોજ ફ્રી હેલ્થ ચેકઅપ યોજવામાં આવ્યો હતો. આ કેમ્પ બાદ દર્દીઓને અમદાવાદ હોસ્પિટલ ખાતે સારવાર માટે બોલાવી અને તેમની સારવાર કરી હોવાના કારણે બે લોકોના મૃત્યુ થયા. સારવારમાં દર્દીના હ્રદયમાં સ્ટેન્ટ મુકાયા હતા. જેથી 2 દર્દીના મોત થયા છે, 5 ની હાલત ગંભીર.
અમદાવાદની ખ્યાતિ હોસ્પિટલમાં દર્દીઓની એન્જિયોગ્રાફી કરનાર ડોક્ટર પ્રશાંત વઝીરાણી હતા. મળતી માહિતી મુજબ તેઓ હાલ ગાયબ છે.
ખ્યાતી હોસ્પિટલમાં બનેલી ઘટના ખૂબ જ ગંભીર અને સંવેદનશીલ છે. સરકારી યોજનાની આડમાં કૌભાંડનું સમીકરણ વેગ લઈ રહ્યું છે.
રાજ્યના આરોગ્ય મંત્રી ઋષિકેશ પટેલે PMJAY-મા યોજના હેઠળના રાજ્ય એન્ટિ-ફ્રોડ યુનિટ (SAFU)ને સમગ્ર ઘટનાની તાત્કાલિક તપાસના આદેશ આપી દીધા છે.
પરિવારજનો સ્વજન ગુમાવતાં આઘાતમાં.
હોસ્પિટલ બહાર લોકોના ટોળાં.
