રજાના દિવસોમાં ભીડનો ઘસારો અને મ્યુનિસિપલ કોર્પોરેશનની આવકમાં વધારો થયો.

દિવાળીની રજાઓમાં કાંકરિયા લેક અને પ્રાણીસંગ્રહાલય ખાતે સહેલાણીઓની ભારે ભીડ જોવા મળી; સાથે AMCની આવકમાં પણ વધારો જોવા મળ્યો.

કાંકરિયા લેકફ્રન્ટ ખાતે પડતર દિવસ, બેસતા વર્ષ અને ભાઈબીજની રજામાં લોકો પરિવાર સાથે મજા માણવા અહીં આવી પહોંચ્યા, જેના લીધે આ રજાઓમાં 2.50 લાખથી વધુ લોકોએ અહી મુલાકાત લીધી હતી.

આ દરમ્યાન મ્યુનિસિપલ કોર્પોરેશનને કુલ  ₹43 લાખની આવક થઈ હતી. જેમાં સૌથી વધુ લોકો  પ્રાણીસંગ્રહાલય જોવા આવ્યા હતા, જેનાથી કુલ  ₹24 લાખની આવક ઊભી થઈ હતી. 

આ સિવાય લોકોએ અટલ એક્સપ્રેસ ટ્રેન, બટરફ્લાય પાર્ક અને કિડ્સ સિટીની પણ મજા માણી. આ ત્રણ દિવસમાં નગીનાવાડીની પણ 12000થી વધારે લોકોએ પણ મુલાકાત લીધી હતી.