તહેવાર દરમિયાન માર્ગ અકસ્માત અને ઇમરજન્સીમાં વધારો નોંધાયો

અમદાવાદ શહેરમાં 4 દિવસમાં માર્ગ અકસ્માતના 493 જેટલા કેસ સામે આવ્યા,જ્યાં દિવાળીના દિવસે 131 અને નવા વર્ષના દિવસે 125 કેસ જોવા મળ્યા. 
સામાન્ય દિવસોમાં આ આંકડા 90 ની આસપાસ હોય છે; પરંતુ આ દિવસોમાં આ આંકડા વધ્યા હતા.
108ને ગયા વર્ષ કરતાં આ વર્ષે સૌથી વધારે ઇમરજન્સી કોલ મળ્યા હતા, 31 ઓકટોબરથી લઈને 3 નવેમ્બર સુધીના આ દિવસોમાં રાજ્યમાં કુલ 20,164 જેટલા અલગ-અલગ પ્રકારની ઇમરજન્સીના કેસ સામે આવ્યા હતા,જેમાં ફટાકડાથી દાઝવાના 113 કેસ નોંધાયા જ્યાં અમદાવાદ સૌથી વધારે 33 જેટલા કેસ બન્યા હતા, આ સાથે સુરતમાં 29,રાજકોટમાં 9 અને ભરૂચમાં 7 જેટલા કેસ સામે આવ્યા. 
સામાન્ય દિવસો કરતાં અમદાવાદમાં આ તહેવારના દિવસોમાં મારામારી,અકસ્માત તથા ફટાકડાથી દાઝવાની બાબતોમાં 36% થી લઇને 111% જેટલો વધારો થયો હતો.